Lu Tar Saldigna ha cundilatu lu ricussu di la Saras S.p.A rigaldu la dummanda di abulizioni pa la prunùnzia di lu SAVI, lu Silviziu di la sustinibbilitai ambientali di la RAS, di la dì noi di capidannu 2014. Comu si sa, lu Prughjettu Eleonora privvèdi la sfilchìtura di gas metanu illu comuni di Arborea, a lu cumenciu cun una societai di lu gruppu Saras – Sargas S.r.l – fraicata ad hoc a capitale sòziali minimu dalla Saras ma ogghj fora da lu prughjettu.

Lu SAVI aìa dichjaratu “impruzzidibbuli” la VIA (Valutazione di Impatto Ambientale) pa chjara mancànzia di cumfolmitai di lu prugghjettu cun Ppr e Puc, fendi divintà cussì in avanzu li nummarosi e prizzisi ussilvazioni di cumitati e assòzi a gherra da anni contra lu prugghjettu di sfilchìtura.

Ogghj la bucciatura di lu Tar a lu ricossu prisintatu da Saras S.p.A. podaria dì l’ultima paraula innantu a la spilciulatura energetica di li Moratti ill’aristanesu, puru si abali la societai milanesa po ricurrì in Cunsiddu di Statu. Aldóri da palti di la comunitai di Arborea, di la sindichessa soia Manuela Pintus, tra li fundadori di lu cumitatu No al Progetto Eleonora illu 2011, e da lu GrIG – Gruppo di Intervento Giuridico ONLUS -, presidutu da Stefano Deliperi, chi ìsprimi aggradu mannu pa la sintènzia di lu Tar e cunfelma l’appogghju di lu GriG a la comunitai e a “No al Progetto Eleonora” cun ca’ ha trabaddatu cun pruvvettu in chist’anni passati. Continua la lettura di Arborea. Requiem pa lu Prugghjettu Eleonora →